විමලනාත් වැඩි පුරම ජනප්‍රීය ඔහු විසින් රාවය පත්තරේට ලියන කොලම නිසාය. මේ කොලමෙන් ඔහු රජතුමා ඇතුලු සියලු දේ හාස්‍යයට ලක් කිරීම සිදු කරයි. කොටින්ම ජනාධිපතිතුමා පවා දතකට මැදගෙන සිකුරාදාට බලා සිටින්නේ විමලේ මල්ලීගේ මේ ආතල් කොලම කියවන්නටය. සමහර අවස්ථා වල ඇතැමි ස්ථානයන් හිදී විමලේ සහ මහරාජා( විමලේ ගේ භාෂාවෙන් )එකට මුණ ගැසුන විට මහරජා බඩ මිරිකා විමලේට පොඩි කින්ඩියක් දමන්නේ මල්ලී අර මම ගැන ගිය සුමානේ තිබුන ආර්ටිකල් එක කියවලා මට බඩ යනකම් හිනා ගියා. මල්ලිගේ ලියවිල්ල නම් එළ. දිගටම ලියන්න මල්ලී අපි ෆුල් සපෝර්ටි කියාය.

මේ නිසා විමලේ දිවා රෑ නොබලා කල්පනා කරනවා ඇත්තේ මහරජාට සැටිස් වෙන්න දිගටම ලියන්න ඔිනේ කියාය. මේ නිසාම ඔහු පසුගිය රාවය කලාපයක මියගිය ප්‍රභාකරන් අරලියගහ මන්දිරයේ පිලිකන්නේ ජමිබු ගසට ගෙනාවෙිය. මේ කතාව අනුව මහරජා පම්ප් එකක් දාන්නට පිළිකන්නට යන විට ප්‍රභාකරන් වන්දනා කතාව බල බල සිට අතර මැද විවෙිකයේ දී මහරාජාට සෙටි වෙයි. විමලේ දැන හෝ නොදැන ජෝක් කරන්නේ හතලිස් දහසක් මිනිසුන් සහ තවත් විශාල මිනිසුන් ගණනක් වසර තිහක් වැනි කාලයක් තුල මරා දැමුන කාලකන්නි යුද්දයක් හා බැදුන ඉතිහාසයකි. තවමත් දෙමළ ජනතාවගේ ගැටලුව ලප් තැනම ලොප් වී තිබෙන විට විමලේ මහින්ද- පුභා එකවර ජෝක් කරමින් ආතල් ගනී. ඔහුට අනුව ඔහු මේ කරමින් ඉන්නේ හෙන සීරියස් දේශපාලන වැඩකි. නමුත් අපට අනුව මෙය රාවය පුවත්පතෙහි විමලේ,වික්ටර් අයිවන්, ජනරංජන ඇතුලු සියල්ලෝම එකවර එපූර් සී මෝවේ ක්‍රියාවට නැගීමකි. එනම් ඒක එහෙම කැරකුනත් ඔබ වහන්සේ ඒක එහෙම නෙමෙයි කියා කියනවා නම් මම ඒක එහෙම නෙමෙයි කියා සිතන්නම්. මේ එපූර් සී මොවේ ගැන අපි මීට පෙර සදහන් කළෙමු.
ඒ අනුව වසර විසි පහක අභිමානවත් සංවත්සරය සමරන්නට සැරසෙන රාවය පුවත් පතෙහි සියලුම මහත්වරුන්ට අපට කියන්නට ඇත්තේ එපූර් සි මොවේ කියාය.

එම ව්‍යාපාරය විසින් අද පෙරවරුවේ කොළඹදී පැවැත්වූ මාධ්‍ය හමුවකදී අදහස් දැක්වූ එහි කැඳවුම්කරු, පාර්ලිමේන්තු මන්ත්‍රී අජිත් කුමාර මහතා ප්‍රකාශ කළේ ඉන්ධන මිල වැඩිවීමට එරෙහිව ධීවර ප්‍රජාව ආරම්භ කර ඇති විරෝධතාවට සිය ව්‍යාපාරයේ පූර්ණ සහයෝගය ලබා දෙන බවයි.

එහිදී අදහස් දැක්වූ අජිත් කුමාර මහතා මෙසේද පැවසිය.

” හලාවතදී ඇන්ටනී සහෝදරයාට වෙඩි තියලා මරන්න කලින් දවසේ මීගමුවේදී හමුදාව පොළු මුගුරු අරගෙන ඇවිත් ධීවරයින්ට පහර දුන්නා. හලාවතදී නීතිය අභිබවා ගිහින් වෙඩි තැබුවා. ඇත්ත ප්‍රශ්නයට උත්තර දෙනවා වෙනුවට හමුදාව කැඳවලා උද්ඝෝෂණ මර්දනය කරනවා. ඒ විතරක් නොවෙයි, තුවාලකරුවන් රෝහලට ගෙන යන්න ඉඩ දුන්නේ නැහැ. ඇන්ටනීගේ මළ සිරුර බිම දාලා පෑගුවා.

අද වෙන කොට ආණ්ඩුවේ දේශපාලනඥයින් තොටුපළෙන් තොටුපළට යමින් ධීවරයින්ට තර්ජනය කරමින් ඉන්නවා, විරෝධතා නවත්වන්න කියලා. ඒක පැහැදිලිවම කිව යුතුයි. ඒ නිසා මුහුදු නොගිහින් හරි ජීවත් වෙන්න ඔවුන් හිතනවා.වෙඩි වෙනුවට ජනතාවට අයිතීන් දෙන්න කියලා අපි ආණ්ඩුවට බල කරනවා.

වෙනදාට වඩා විශාල මුදලක් වැය කරන්න වෙනවා නම් ධීවරයින්ට වෙන්නේ බෝට්ටු විකුණලා දාන්න. ඔවුන් මත්ස්‍ය සම්පත නෙලන්න යන්නේ නැත්නම් ඒක ජාතික නිෂ්පාදනයට බලපානවා. දැන් ධීවරයින්ට ඕන සහනාධාර ‍නොවෙයි, තිබුණු මිලටම ඉන්ධන දෙන්න කියලායි ඔවුන් ඉල්ලන්නේ.”

මෙම මාධ්‍ය හමුවටධීවර ප්‍රජාව නියෝජනය කරමින් පැට්‍රික් ප්‍රියන්ත, ප්‍රියශාන්ත හා සැම්සන් යන ධීවරයින් සහභාගීවූහ

ගල්කිස්සේ වෝල්ටන් සරසවියේ ශ්‍රී ලංකාවේ අධ්‍යාපන මධ්‍යස්ථානය විවෘත කිරීමේ උළෙලට සභා‍ගිවෙමින් අමාත්‍යවරයා පැවසුවේ දොස්තරවරුන් හා තවත් කොතෙකුත් අය එරෙහිව වුවත් විදේශිය හොඳ විශ්වවිද්‍යාල ඇති කිරීමට අවශ්‍ය නීතිමය කටයුතු දැනටමත් ආරම්භ කර ඇති බවයි.

 
උබලගේ තාත්තා ඒකාලේ යාපනේ ආවේ මුහුදු ගිහින් මාථ මරනන රස්සාවටයි. මම ඒ දවස් වල පොඩි එකී. මම ඒ කාලේ හරිම ලස්සනයි. ඒ දවස් වල යාපනෙත් හරිම ලස්සනයි. යුද්දෙ කියන්නේ මොකක්ද කියලවත් අපි දන්නෙ නෑ. ඒ දවස් වල සිංහල -දෙමල හැමෝම හරිම සන්තෝෂෙන් තමයි හිටියේ. තාත්තා මට මුලින්ම හම්බ වුනේ උබලගේ මාමාත් එක්ක ඒ කියන්නේ අපේ සින්න තමිබි එක්ක ගෙදර ආව දවසකයි. මාමායි තාත්තයි එකටයි මූදු රස්සාවට ගියේ. තාත්තා මීගමුවේ ඉදන් යාපනේට ආවේ මුදු ගිහින් වැඩි පුර කීයක් හරි හොයා ගන්නයි. පස්සේ උබලගේ තාත්තට මගෙත් හිත ගියා. පස්සේ අපි කසාද බදින්න තීරණය කලා. අපේ කසාදෙට තාත්තගේ පවුලෙන් වගේම මගේ පවුලේ අයත් විරුද්ධ වුණා. අපි ඒ ඔක්කොම අය අමතක කරලා කසාද බැන්දා. නෑදැයෙක්ට කියලා ආවේ උබලගේ සිනන මාමා විතරයි. අපි පස්සේ පොඩි පැලක් හදා ගෙන ජීවත් වුනා. ඔය අතරේ තමයි උබලගේ ලොකු අයියා උපන්නේ ලොකු අයියා උබලගේ සින්න මාමාටත් සින්න මාමා ලොකු අයියටත් හරිම ආදරෙයි. ලොකු අයියා නිදා ගත්තේ කෑවේ බීවේ ඔක්කොම කලේ සින්න මාමා එක්කයි. ඔය කාලේ තමයි යුද්දෙ පටන් ගත්තේ තව දුරටත් අපිට මේ නිසා යාපනේ ඉන්න බැරි වුනා. තාත්තා තිරණය කලා ආයෙමත් මීගමුවට එන්න. ඒ වුනාට උබලගේ සින්න මාමා ඒකට කැමති වුනේ නෑ. අපිට අන්තිමට මීගමුවට එන්න සිද්ධ වුනා. අපි මොන තරමි උත්සහා කලත් ලොකු අයියව අපිට එක්ක එන්න බැරි වුනා. එයාට එතකොට යන්තම් අවුරුදු හතයි. එයා මාමා දාලා එන්න කැමති වුනේ නෑ.

 එහෙම ඇවිත් ටික කාලයක් යනකම් අපිට ඒ අයත් එක්ක සම්බන්ධකම් පවත්වන්නට පුලුවන් වුනත් යුද්දෙ එන්න එන්නම වැඩි වෙද්දී එයාලයි අපියි අතරේ කිසිම සම්බන්ධයක් පවත්වන්න බැරි වුනා. කාලය ඔහොම ගෙවිලා යද්දී තමයි. පොඩි අයියයි, මද්දු අයියි, උබයි හම්බ වුනේ ඒ වුනාට මට උබලා කවුරු හිටියත් ලොකු අයියව අමතක කරන්න බැරි වුනා. මම හැමදාම ජීවත් වුනේ ඒ ගින්නදර පපුවේ තියාගෙනයි. දිගට හරහට යුද්දෙ නිසා මිනිස්සු මැරෙනවා දකිද්දී මට වාවගන්න බැරි වුනා. ඒ මැරෙන්නෙ මගේ මිනිස්සු නේද කියන එක මට අමතක කරන්න බැරි වුනා. ඒ වුනත් උපතින් දෙමල වුන මට කවදාවත් දෙමල විදිහට හිතන්නවත් ජීවත් වෙන්නවත් බැරි වුනා. හිතට පොඩි හරි සහනයක් දැනුනේ තාත්තයි මමයි උබලා හැමෝමයි පල්ලියට ගිය දවසට විතරයි. මම උබලට වගේම මගේ පොඩි මල්ලි උබලගේ සින්න මාමාටත් ආදරෙයි. මගේ ආදරේ සිංහලද දෙමලද කියන්න මම දන්නෑ මම උබලා හැමෝටම ආදරේ කලා කියලා විතරයි මම දන්නේ.

 
ඔය අතරේ තමයි උතුර වගේම දකුණත් භීෂණයෙන් ඇවිලිලා ගියේ. උතුරේ වගේම දකුණෙත් පාරවල් වල මල මිනී කදු ගොඩ ගැහෙන්න පටන් ගත්තා. උබලගේ පොඩි අයියා හැමදාම විස්වාස කරපු අපිට නොතේරෙන දේශපාලනයක් තිබුනා. අපි අහන කිසිම ප්‍රශ්ණෙකට උත්තර නොදුන්න පොඩි අයියා කලේ මොකක්ද කියලා අපිට හිතා ගන්න බැරි වුනා. ඔය අතරේ තමයි අයියව මහ රෑ ගෙදරට ආපු හමුදාවේ උන් මම විලාප තියලා අඩද්දිම උස්සගෙන ගියේ පහුවදා උදේ අපිට ආරංචි වුනා පොඩි අයියගේ මළ මිනිය මුහුදු වෙරළට ගොඩ ගහලා තියෙනවා කියලා ඔය විදිහට මට මගේ දෙවනි පුතත් නැති වුනා. අපි හැමදාම ජීවත් වුනේ හරිම අමාරුවෙන් තාත්තා බැරි අමාරුකම් ගොඩක් තියාගෙන හැමදාම මුහුදු ගියා.මද්දු අයියා හරිම හිතුවක්කාරයා උනාට උබලා හැමෝටම වඩා ඌ අපිට ආදරෙයි. ඒ නිසාම ඌ දන්න දවසෙ ඉදන්නම තාත්තා එක්ක මුදූ ගියා. මද්දු අයියා තාත්තට ලොකු හයියක් වුනා.

 
ඔය අතරේ තමයි යුද්දේ ඉවර වුනේ. අපි හරිම සන්තෝසෙන් යාපනේ ගියේ. උබමනේ පොඩි පුතේ ඒ ගමන අපිව එක්ක ගියේ උබ හමුදාවට බැදුනේ කැමැත්තකින් නෙමෙයි උනාට පස්සේ පස්සේ උබට උබේ තාත්තා සිංහල කියන එක ඇරෙන්න උබේ අම්මා දෙමල කියන එක අමතක වුනා. උබ මගේ ඉස්සරහම දෙමලු හැතිකරේ හැදිගෑවිලා යන්න ඕනේ කියලා කියද්දී මගේ හිත ගොඩක් රිදුනත් මම කවදාවත් උබට ඒක පෙන්නුවේ නෑ. අපි යාපනේ ගිහින් සින්න මාමා හොයා ගනිද්දී මාමා හිටියේ අනාථ කදවුරක. මම සින්න තමිබිගෙන් ඉස්සෙල්ලම ඇහුවේ කෝ මගේ දරුවා කියලලයි. එතකොට මාමා කීවේ ඌ රට වෙනුවෙන් මැරුණා කියලලයි. එතකොට හමුදාවේ හිටපු උබට ගොඩක් තරහා ගියා උබට මතකද? උබ ජීවිතේ පලවෙනි වතාවට හම්බ වුන උබේ මාමාට ඒ වෙලාවේ කතා කරපු හැටි උබට මතකද? පර දෙමලා තෝ දැන ගනින් අපි මැරුවේ කොටින්වයි. උන් මැරුනේ රට වෙනුවෙන් නෙමෙයි. උබ මාගේ මාමා කියලා කියන නිසයි නිකම් ඉන්නේ නැතතම් මෙතනම කම්බස් කරනවා. උබ දැන ගෙන හිටියේ වෙඩි තියන්නයි මරන්නයි විතරයි. ඒ වෙලාවේ උබේ මාමා කීවේ මම නාදන්ට වගේම උබටත් ආදරෙයි පුතේ කියලයි . මට ඒකතාව විස්වාසයි. උබේ මාමා උබ කවදාවත් නොදැකපු උබේ ලොකු අයියට වගේම උබටත් ආදරෙයි කියන එක බොරුවක් නෙමෙයි. මගේ. ලොකු පුතා මැරුණ බව මම දැන ගත්තම මට ජීවිතේ එපා වුනා ඒ වුනත් මම උබලා නිසා ජීවත් වුනා.

සමහර විට උබම තියපු වෙඩි පාරකින් උබගෙම සහෝදරයා මැරෙන්න ඇති. ඒ වුනත් උබට කවදාවත් ඒ ගැන හැගීමක් තිබුනෙ නෑ. කලු පාට රෙදි පටියක් ඔලුවට බැදගෙන මුනේ දැලි ගාගෙන බෝම්බ ඇග පුරා එල්ල ගෙන ලොකු තුවක්කුවත් අතින් ගත්තම උබ හිටියේ හරිම ආඩම්බරෙන්. ඒ වෙලාවට දෙමල වුන උබේ අම්මමව උනත් මරන්න උබ පසුබට නොවන බව අපි දැනගෙන හිටියා. මේ රටේ ලොකු උන් යුද්දකාලේ උබලා තමයි වීරයෝ කියලා කියද්දී උබලා උබලගේ තුවක්කුව ආණ්ඩුවට විරුද්ධ වෙන ඕනෙම එකෙකුට විරුද්ධව පත්තු කරන්න සූදානමින් හිටියේ. මහවුන් උබලව වීරයෝ කලේ උන්ගේ වැඩේ කරගන්න කියක එක උබලට කවදාවත්ම තේරුනේ නෑ. උබලා වීරත්වයෙන් මත් වෙලයි හිටියේ. උබලට මේ රටේ සිංහලයෝ හැරෙන්න දෙමලුන්නට ජීවත් වෙන්න අයිතියක් නැති බව උගන්නලා මහවුන් උබලා ලවා මිනී මරවනවා කියන එක ඇයි උබලට තේරෙන් නැත්තේ. ඒක අර තාත්තා කියන විදිහට උබලට කොහොම තේරෙන්නද උබලට ඉගැන්නුවේ හමුදාවෙන් මිනී මරන්න විතරයි නේ. යුද්දෙන් පස්සේ මීගමුවට ලග කදවුරකට මාරුවක් අරගෙන ආපු උබ ජීවත් වුනේ කිසිම හිතේ සතුටකින් නෙමෙයි. දවසක් උබ  මෙහෙම ඉන්න කොට පිස්සු හැදෙනවා ඉස්සර නම් මාර ආතල් දවසට හත් අට දෙනෙක් ඔලුව කුඩු වෙන්න වෙඩි තියලා මරනකොට මාර ආතල්  දැනි අපිට වෙලා තියෙන්නේ කක්කුස්සී හෝදන්නයි, එළවලු විකූනණයි, විශව විද්‍යාලකාරයෝ අපිට කොචොක් කරන කොට බලා ඉන්නයි විතරයි. වෙලාවකට මේ ජීවිතේ මට නම් එපා වෙනවා. මේ වෙලාවට තමයි යුද්දෙ තිබුන නම් හොදයි කියලා හිතෙන්නේ.

උබ එහෙම කියන කොට මගේ ඇග හීතල වෙලා ගියා. උබ පුංචි කාලේ මොනතරම් නම් අහිංසකයි ද? උබ ඒ කාලේ කැරපොත්තෙක් මරන්නවත් කැමති නෑ. දෑන් උබට විනෝදයක් දැනෙන්නේ මිනිස්සු මරන කොට කියලා උබ කියනවා. මුලින්ම දෙමලු මරන කොට විනෝදයක් දැනෙනවා කියපු උබට දැන් ඒ විනෝදය සදහා ඔිනෙම එකෙක් මරන්න පුලුවන් කියලා උබ කියනවා. මම ජීවිතේ පසු තැවෙන්නේ මොකටද උබව හමුදාවට යැවිවේ කියලයි. මහවුන් උබේ මොලේ නරක් කරලා. මම හැමදාම උබට කිවේ ගෙදර ඇවිත් තාත්තා එක්ක මුදූ යන එක මීට වඩා නම්බුකාරයි කියලයි. උබලගේ මද්දු අයියා මුදු ගියාට ඌ හොද එකා. උබට වඩා ඌ මිනිස්සු ගැන හිතනවා. ඌ හරිම අහිංසකයා. කූබියෙකවත් මරන්නේ නැති ඌ පව් වැඩකට කියලා කලේ මාලු මරන එක විතරයි. කාලෙකට කොල පාට කමිස ඇදගෙන දේශපාලනේ කරන්න යන ඌ ඊලගට නිල් පාට කමිසයක් ඇදගෙන ඒ වැඩේ කරනවා. ඌ හැමදාම පාට වලට රැවටුනා. මුහුදු ගිහින් හම්බ කරන සල්ලි වලින් කසිපු බීලා ඇවිත් හැමදාම ඌ ආණ්ඩුවට බනිනවා. ඌට තිබුන එකම ප්‍රශ්ණේ උගේ බෝටිටුවට භූමිතෙල් අර ගන්න බැරි කමයි. භූමිතෙල් හිටි හැටියේ ගණන් ගියාම ඌට මාරයා ආවේශ වුනා. ඒ නිසයි ඌ ඔය පෙළපාලියට ගියේ. හැමදාම කොලපාට නැතතම් රතුපාට කමිසයක් ඇදගෙන පෙලපාලි වලට ගිහින් හොදටම බීලා එන ඌ මේ පාර ගියේ රතු කමිසයක් ඇදගෙනයි.

උබ උබේම මද්දු අයියට ඔලුව හිල් වෙන්න වෙඩි තිබිබා. අඩුම ගානේ චූටි පතේ උබට පිටිපස්සෙන් ඔලුවට වෙඩි නොතියා කකුල් දෙකකට වෙඩි තියන්න තිබිබා. ඒත් කාලයක් පිටි පස්සෙන් ඔලුව හිල් වෙන්න වෙඩි තියලා පුරුදු වුන උබ මද්දු අයිටත්ටත් ඔලුව හිල් වෙන්න වෙඩි තිබිබා. මොනවා කරන්නද චූටි පුතේ උබ වෙඩි තිබිබේ ඇයි කියලා උබවත් දන්නේ නැති බව මම දන්නවා ඒ උබට මහවුන් කියලා දුන්නේ වෙඩි තියන්න විතරකි නිසයි. අන්තිමට මට උබත් නැති වුනා දැන් සැක කාරයෙක් වෙන උබ හෙට මේ මහ උන්ගේ උසාවියේම නඩු අහලා වැරදිකාරයා කරලා එළලා මරන්න නියම කරයි. එතකොට මට මගේ පුතාලා හතර දෙනාම නැති වෙනවා. මම උබත් එක්ක තරහා නෑ. පුතේ මම උබව බලන්න රිමාන්ඩ් එකට එනවා. උබ කන්න ආසම විදිහට මාලු ඇබුල් තියල් කරලා, පරිප්පුයි, පොල් සම්බෝලයි එක්ක බත් එකක් අරගෙන මම උබව බලන්න එන්නම් උබට අදින්න මද්දු අයියගේ සරමකුත් ගෙන්නම් තාත්තා නම් උබව බලන්න එන්නෑ කීවා. ඒත් උබ හැමදාමත් වෛර කරපු දෙමලියක් වුනත් මම උබේ අම්මනේ. ඒ නිසා මම එනවා උබ පරිස්සමින් ඉදපන්. ඔතනින් දෙන දෙයක් වෙලාවට කාපන්. නැත්තම් උබට ගෑස් ලෙඩේ හැදෙයි. මම එද්දී උබට කන්න වඩේ ටිකකුත් හදා ගෙන එන්නම්.
උබට දෙවියන්ගේ පිහිටයි මයේ පුතේ
මම උබේ ආදර

සෙල්අම්මා

ඊයේ හවස ජෙ.ආර් ජයවර්ධන කේන්ද්‍රයේ දී පැවති සම්මණ්ත්‍රනයේ දී දීප්ති කුමාර ගුණරත්න විසින් ස්ත්‍රිය ගොලු හදවතේ සිට kill-bill දක්වා රූපාන්තරණය වීම නම් වූ මාර්තුකාව යටතේ රජය සහ විපල්වය නම් වූ සම්මණ්ත්‍රනය පවත්වනු ලැබීය. මෙහිදී චිත්‍රපට ආශ්‍රයෙන් හිස්ටරික සමාජයක සිට විපරීත සමාජයක් දක්වා සමාජයක් වෙනස් වීම ගැන චිත්‍රපට ආශ්‍රයෙන් පැහැදිලි කරනු ලැබීය.

 
මෙහිදී ඔහු මූලික වශයෙන් සිනමාව යනු අර්ථයන් නිෂ්පාදනය කිරීම නොව එහි අවිඥාණික උවමනාව විනෝදය සැපියීම බව පැහැදිලි කරණු ලැබීය. ඒ සදහා චිත්‍රපට කිහිපයක් තෝරා ගනු ලැබීය. මෙම දේශණයේ දී දීප්ති විසින් කළ සම්පූර්ණ දේශණය ලගදීම 3මාන වෙබි අඩවිය ඔස්සේ ඔබ වෙත ගෙන එන්නට අපි අපේක්ෂා කරන්නෙමු.

තෙල් මිල ඉහළ ගියත්

සංවර්ධනයට වෙන්කරන මුදල් සතයක්වත් අඩුකරන්නේ නෑ

අධ්‍යාපනය වෙනුවෙන් රු. බිලියන 132ක්

රු. බිලියන 128ක් මාර්ග සංවර්ධනයට

සමෘද්ධි දීමනාව වෙනුවෙන් රු. බිලියන 12.5ක්

රු. බිලියන 33.8ක් පොහොර සහනාධාරයට

ලෝක වෙළෙඳ පොළේ ඉන්ධන මිල කොතරම් ඉහළ ගියත්, මේ වසරේ ජනතා සුබසෙතටත්, සංවර්ධනයටත් වෙන් කරන මුදල සතයකුදු අඩුකරන්නේ නැතැයි රජය අවධාරණය කරයි.

රටේ මාර්ග පද්ධතිය සංවර්ධනය කිරීම, අධ්‍යාපනය, සෞඛ්‍ය, පොහොර සහනාධාරය, සමෘද්ධිය සහ ගම නැඟුම වැනි වැඩසටහන්වලට මේ වසරේදී රුපියල් කෝටි හාරලක්‍ෂ දහසය දහසක් වැය කිරීමට රජය සූදානම් වේ.

එය වසර 2011 දී මේ සඳහා වැය කළ රුපියල් තුන්කෝටි හතළිස් අටදහසට වඩා රුපියල් කෝටි හැටහත්දහස් හයසියයකට වැඩි මුදලක් බවද රජය පෙන්වා දෙයි. අකුරු ලිවීමේ, කියවීමේ හැකියාව පමණක් නොව, පරිගණක සාක්‍ෂරතාවය ඉතා ඉහළ ගුණාත්මක මානව සම්පතක් බිහි කිරීමේ අරමුණින්, රුපියල් බිලියන 132ක් අධ්‍යාපනය සහ උසස් අධ්‍යාපනය වෙනුවෙන් වැය කිරීමට රජය බලාපොරොත්තු වේ. මේසා විශාල මුදලක් මේ අංශයේ දියුණුවට යොමු කළේ ඉතිහාසයේ පළමු වතාවට ය.

රටේ මාර්ග පද්ධතියේ දියුණුවට රුපියල් බිලියන 128ක් මේ වසරේ වැය කරනු ඇත. වසර 2011 දී ඊට වැය කළ මුදල රුපියල් බිලියන 97.4 කි.

ජනාධිපති මහින්ද රාජපක්‍ෂ මහතාගේ නායකත්වයෙන් යුතු වත්මන් රජය වසර 2008 දී අධ්‍යාපන අංශ දියුණුවට රුපියල් බිලියන 100.1ක් වැය කළේය. එය වසර 2009 දී රුපියල් බිලියන 100.5ක් ද, 2010 දී රුපියල් බිලියන 104.2ක් ද, වසර 2011 දී රුපියල් බිලියන 120ක් ද ලෙස වසරින් වසර වැඩි කරනු ලැබිණි.

මෙරට සෞඛ්‍ය අංශයේ දියුණුව සඳහා මේ වසරේ දී රුපියල් බිලියන 103 ක් වැය කිරීමට නියමිතය. වසර 2011 දී වැය කළ මුදල රුපියල් බිලියන 88කි.

මෙරට ගොවි ජනතාවට ඉතා ඉහළ ආර්ථික හා උසස් ජීවන තත්ත්වයක් අත්කර දීමට වසර 2005න් පසු අඩිතාලම දැමුණි. වී වලට ස්ථාවර හා සාධාරණ මිලක් නියම කැරිණි.

මේ වසර සඳහා පමණක් රජය පොහොර සහනාධාරය ලෙස රුපියල් බිලියන 33.8ක් වැය කිරීමට සූදානම් ය.

වසර 2008 දී පොහොර සහනාධාරයට වැය කළ මුදල රුපියල් බිලියන 26.4 කි. 2009 දී එය රුපියල් බිලියන 26.9ක් ද, 2010 දී එම මුදල රුපියල් බිලියන 26ක් ද 2011දී එය රුපියල් බිලියන 29.8ක් ද විය.

සමෘද්ධි දීමනාව සඳහා රුපියල් බිලියන 12.5ක් මේ වසරේ වැය කෙරේ. ගම නැ¼ගුමට රුපියල් බිලියන 6.5ක් වැය කැරෙනු ඇත. ගම නැ¼ගුම යටතේ රටේ ගම්මාන 14,400ක මං මාවත්, ඇළ වේළි, නිවාස, පානීය ජලය, විදුලි බලය වැනි සියලු අංශ දියුණු කරනු ලැබේ.

වැඩි වූ බඩු මිලෙන් ඍජු ලෙස බලපෑම්වලට ලක්වන ජනතා කොටස් කුපිත කිරීමෙන් විපක්‍ෂය වාසි ලබාගැනීමට උත්සාහ කරන බව දක්නට ලැබෙන බව පෙන්වා දෙන රජය ඊට හසු නොවන ලෙස බුද්ධිමත් ජන කොටස් වෙතින් ඉල්ලීමක් කරයි.

වසර 2005 සිට ගත වූ කාලසීමාවේ රටේ විරැකියාව, උද්ධමනය, පොළී අනුපාත වැනි ආර්ථික දර්ශකවල විශාල පහළ යෑමක් දක්නට ලැබේ. ඒ හරහා රටේ ජනතාවගේ අතමිට සරුව තිබෙන බව ද ශ්‍රී ලංකා මහ බැංකුවේ සමීක්‍ෂණ වාර්තා උපුටා දක්වමින් රජය සඳහන් කර සිටියි.

.http://www.dinamina.lk/2012/02/21/_art.asp?fn=n1202211

සාමකාමී උද්ඝෝෂණ කිසිවක්‌ මර්දනය නොකරන බව ආණ්‌ඩුව දැන් කියයි.

ආණ්‌ඩුව මෙසේ කියන්නේ තෙල් මිල අඩු කරන ලෙසත් ජීවන බරට එරෙහිවත් ගෙවී ගිය සතිය තුළ නිරායුධ ජනතාව හා රටේ පිළිගත් දේශපාලන පක්‍ෂ මගින් පැවැත්වූ උද්ඝෝෂණ ජල ප්‍රහාර, කඳුළු ගෑස්‌, කැරැලි මර්දන පොලිස්‌ කණ්‌ඩායම්, ඉනුත් නොනැවතී ජීව වෙඩි උණ්‌ඩ යොදා ගෙන මර්දනය කිරීමෙන් පසුව හා නිදහස්‌ අධ්‍යාපනය රැකදෙන ලෙස මෙරට සරසවි සිසුන් කළ උද්ඝෝෂණ විරෝධතා පාගමන් මර්දනය කිරීමෙන් අනතුරුවය.

ආණ්‌ඩුවේ මෙම මර්දනකාරී පිළිවෙත නිසා දැනටමත් නිරායුධ සිවිල් වැසියන් දෙදෙනකු ජීවිත පුදා අවසන්ය. ඒ කටුනායක නිදහස්‌ වෙළෙඳ කලාපයේ සේවකයකු වූ රොෂෙන් ශානක හා හලාවත ධීවර කාර්මිකයකු වූ ඇන්තනී ප්‍රනාන්දුය. මේ කිසිවෙක්‌ ආණ්‌ඩුවට එරෙහිව අවි ගත්තෝ නොවෙති.

එසේ නම් ජනතාව තමන්ගේ අයිතිවාසිකම් දිනාගැනීමටත්, විරුද්ධ පක්‍ෂයේ දේශපාලන පක්‍ෂ විසින් රටේ ජනතාවගේ ජීවත් වීමේ අයිතිය රැකදීම වෙනුවෙන් ආණ්‌ඩුවට එරෙහිව උද්ඝෝෂණය කරන විට එළව එළවා ජල ප්‍රහාර, කඳුළු ගෑස්‌, බැටන් පොලු ප්‍රහාර එල්ල කිරීමටත් ඉනුත් නොනැවතී ජීව වෙඩි උණ්‌ඩ මගින් පිළිතුරු දීමටත් නියෝග දෙන්නේ කවුරුන්ද? මෙකී නියෝග පසුපස සිටින අදිසි බලවේගය කුමක්‌ද? අපි ආණ්‌ඩුවෙන් විමසන්නෙමු.

ආණ්‌ඩුවේ ජනතා මර්දනකාරී පිළිවෙත උත්සන්න වන විට ඊට එරෙහිව ගොඩනැගෙන ආණ්‌ඩු විරෝධය ද තවත් උග්‍ර වන පසුබිමක මෙකී අදිසි බලවේග ද තව තවත් ප්‍රබලව ක්‍රියාත්මක වීමේ අවදානම අපි දකින්නෙමු.

අප අවධාරණය කරන්නේ ආණ්‌ඩුවේ නාස්‌තිය, දූෂණය, ඥති මිත්‍ර සංග්‍රහ හා අකාර්යක්‍ෂම පාලනයට එරෙහිව ආණ්‌ඩුවේ ජනපීඩක, ප්‍රජාතන්ත්‍ර විරෝධී පිළිවෙතට එරෙහිව නැගෙන විරෝධතා සම්බන්ධව ආණ්‌ඩුව විසින් අනුගමනය කරන්නා වූ දවල් මිගෙල් රෑ දනියෙල් න්‍යායය දැන්වත් අවසන් කළ යුතු බවය.

http://www.divaina.com/2012/02/21/index.htm

මෙහිදී තවදුරටත් අදහස් දැක් වු ගාමිණී වියන්ගොඩ මහතා මෙසේද පැවසිය.

”රිචඩ්ව මරපු එකට හේතුව විදිහට ප්‍රචලිත මතය තමයි, ඔහු 87-90 කාලයේ ජවිපෙට සම්බන්ධවෙලා හිටියා කියන එක. මම ඒ මතය පිළිගන්නෙ නැහැ. මට මේ අදහස පිළිගන්නට බැරි පෞද්ගලික කාරණයක් තියෙනවා. රිචඩ් ද සොයිසා මැරෙන්න පෙර මාසයක් ඇතුළත වගේ කාලයක මාව මුණගැසෙන්න ආවා.

එවකට විශ්වවිද්‍යාලවල ඉගෙන ගත්න, ඉතාමත්ම වේගයෙන් දේශප්‍රේමයට ලංවෙමින් සිටින තරුණයන් දහ පහලොස් දෙනෙක් ඉන්නවා, ඒ අයට දේශප්‍රේමය පිළිබඳ ජාත්‍යන්තර අත්දැකීම් මොනවද කියලා කියන්න පුළුවන්ද කියලා මගෙන් අහුවා. මේ දේශප්‍රේමය ඇතිවුණාම කොහොමද ඒක ඉවර වෙන්නෙ කියලා ලෝක අත්දැකීමෙන් විස්තර කරන්න කියලා මට කිව්වා. ඒ දවස්වල තත්ත්වය හරි භයානකයි. හැම තැනම මරනවා. මම මේ තරුණයන්ට රිචඩ්ගෙ ගෙදරකදි කතා කළා. මම දේශප්‍රේමයේ තියෙන විනාශය පිළිබඳව තරුණයන්ට පහදලා දුන්නා. ඊට සුමාන දෙක තුනකට පස්සෙ රිචඩ්ව ඝාතනය වෙනවා. ඉතින් රිචඩ් දේශප්‍රේමය අගය කරපු ජවිපෙ දේශපාලනයේ ක්‍රියාකාරී සාමාජිකයෙක් වුණා කියන එක මම කොහොමද පිළිගන්නෙ?”

”ඔහුගෙ ඝාතනය සිදුවීමට වඩාත් ආසන්න කාරණා දෙකක් තියෙනවා. එකක් තමයි, රිචඩ් විසින් ඒ දවස්වල සිදුවෙමින් පැවති මහා ඝාතනයන් සම්බන්ධයෙන් ලෝකයේ ප්‍රධාන මාධ්‍ය වලට තොරතුරු සැපයීම තමාගේ වගකීමක් ලෙස සැලකුවා. ලංකාවේ පුවත් පත් සහ අනෙකුත් ජනමාධ්‍ය ඒවා වාර්තා නොකරන අවස්ථාවේ මේවා ලෝකයට දන්වන එක තමන්ගෙ වගකීමක් කියලා රිචඩ් හිතුවා. ඒ නිසා ඔහු ඒ වන විට වැඩකරපු මාධ්‍ය ජාලය හරහා රජය විසින් සිදු කරන මහා ඝාතනයන් පිළිබඳව තොරතුරු සැපයුවා. අනෙක් කාරණය තමයි රිචඩ්ගෙ හොඳම යහළුවො ජවිපෙ ක්‍රියාකාරී සාමාජිකයො ලෙස හිටියා. ඒ වගේම පෑගෙන ජනයා ගැන ඔහුට විශාල ආදරයක් තිබුණා. ඒක නිසා ඔහු දේශප්‍රේමය ප්‍රතික්ෂේප කළත්, පෑගෙන ජනයා ගැන කතා කරපු ඒ තරුණයන් දෙස බැලුවෙ ඉතාමත්ම සානුකම්පිතව. ඉතින් මේ තත්ත්වය හරහා, ඔහු ජේවිපි සාමාජිකයෙක් කියලා එවකට හිටපු ආණ්ඩුව වැරදි අර්ථකථනයකට ගිහිල්ලා ආපු නිගමනයකින් ඔහු ඝාතනය වුණා කියන එකයි මගේ විශ්වාසය.

ර්‍මගේ ජීවිතයේ දී මට හමුවෙලා තියෙන සුන්දරම මිනිහා විදිහට තමයි මම රිචඩ් ද සොයිසාව දකින්නෙ. වාමාංශික දේශපාලනය පිළිබඳව, මාක්ස්වාදී සාහිත්‍යය පිළිබඳව,තරුණ ප්‍රශ්න පිළිබඳව, ඔහුගෙ විශාල පිපාසයක් තිබුණා. ඔහුගෙ පන්ති මුලයන්ගෙන් බැලුවහම ඒ පන්තියක තරුණයෙක්ගෙන් බලාපොරොත්තු වෙන්න බැරි විදිහෙ චරිත ලක්ෂණ රිචඩ්ට තිබුණා.

රිචඩ්ගෙන් පස්සෙ වර්තමාන කාලයට එනකොට අපිට රිචඩ්ලා ගොඩක් හම්බ වෙනවා. උස්සගෙන යන අය, මහ දහවල් ඝාතනය කරන අය, උස්සගෙන ගිහිල්ලා පහුවදාට මිනිය හම්බවෙන අය වගේ රිචඩ්ලා බොහොමයක් හම්බවෙනවා. මේක අද නිතිපතා සිදුවන දෙයක් බවට පත්වෙලා.

මේක ආණ්ඩුවෙ විතරක් වැරැද්දක් ලෙස අපිට දකින්න බැහැ. මේ විදිහෙ වැරදි සම්බන්ධයෙන්, අපි හරි ලෙහෙසියෙන්ම පාලකයන්ගෙ පැත්තට ඇඟිල්ල දික් කරනවා. පාලකයො වගේම මේවට වගකිව යුතු දේශපාලන ව්‍යාපාර තියෙනවා කියලා මම හිතනවා. දේශප්‍රේමය පදනම් වන සෑම දේශපාලන ව්‍යාපාරයක්ම මේකට වගකිව යුතුයි. මේ තත්ත්වයන් ඒකෙ ප්‍රතිපලයක් විදිහට ආපු දෙයක් කියලයි මම විශ්වාස කරන්නෙ.” යයි පැවසු වියන්ගොඩ මහතා, දෙමල මාධ්‍යවේදීන් වන තාරකී නොහොත් සිවරාම් ඝාතනය කල අවස්ථාවේදීත්, තිස්සනායගම් සිරගත කල අවස්ථාවේදීත් ‘ලංකා’ පුවත්පතේ පළවූ අමානුෂික දේශපාලන විග්‍රහ පෙන්වමින් ඒ පිළිබදවද විවේචනය කළේය.

http://www.srilankamirror.com/sinhala/index.php/the-news/11950-richad-soyza

————————————————————-

ඉන්ධන මිල යන සාධකය කොතරම් සංවේදී දෙයක්‌ද යන්න වටහා ගැනීමට අයින්ස්‌ටයින්ගේ මොළය තරම් විශාල හා සංකීර්ණ මොළයක්‌ අවශ්‍ය නැති බව මේ ආණ්‌ඩුව තුළට රිංගාගෙන සිටින ආර්ථික ඝාතකයන් දැන්වත් පිළිගත යුතුව තිබේ. ඩීසල් මිල 50% කට කිට්‌ටු මුදලකින් වැඩි කළ ආණ්‌ඩුව සියලු භාණ්‌ඩ හා සේවාවල මිල පාවීමට ඉඩහැර බලා සිටී. ආණ්‌ඩුව රටේ පොදුජන ආර්ථිකය සම්බන්ධයෙන් මේ මොහොතේදී අනුගමනය කරන්නේ නිරීක්‍ෂණ මට්‌මේ ප්‍රතිපත්තියකි. එනම්, බඩු මිල නගී. ආණ්‌ඩුව බලා සිටී. ඒ අවස්‌ථාවෙන් ප්‍රයෝජන ගැනීම සඳහා දේශපාලන පක්‍ෂ සාමාන්‍ය ජනයා මහ පාරට ගාල් කර ඔවුන් අතට “ගල්” ලබා දෙයි. එවිට ඒ මිනිස්‌සු ඒ වෙලාවේ සිටින තම ආසන්නම සතුරා වූ පොලිසියට ගල් ගසයි. පොලිසිය මුලින්ම මිනිසුන්ට වතුර විදී. දෙවනුව කඳුළු ගෑස්‌ ගසයි. තෙවනුව වෙඩි තබයි. එවිට කොහෙන් හෝ පැමිණි අසරණයකුගේ ඔලුව හිල්වී ඔහු මියගොස්‌ ප්‍රශ්නය එක්‌සත් ජාතීන්ගේ සංගමයේ මානව හිමිකම් කවුන්සිලය දක්‌වා යයි. මේ වැරදි ප්‍රචාරවලට පහර දී සැබෑ තත්ත්වය ලොවට කීමට තරම් අපගේ තානාපති සේවාව ශක්‌තිමත් නැත. ශ්‍රී ලංකාවට විරුද්ධව එක්‌සත් ජාතීන්ගේ සංවිධානයේ මානව හිමිකම් කොමිසමට ගෙන එන යෝජනාවට ඇමරිකාව සහයෝගය දෙන බව එනම්, ලංකාවට වළ කැපීමට ඇමරිකාව උදව් කරන බව අපගේ එළිපත්තටම පැමිණි අපගේ රාජ්‍ය තාන්ත්‍රික මිත්‍රයා වන රොබට්‌ බ්ලේක්‌ පැවැසීය. එය තර්ජනයකි.

වැඩිකරන ලද භූමිතෙල් වෙනුවෙන් දෙන සහනාධාරය කිසිදු ආකාරයකින් ඵලදායක නැත. මසකට රුපියල් 3000 ක්‌ හෝ ඊට වැඩි ගණනක භූමිතෙල් පරිභෝජනය කරන පවුලකට ලැබෙන්නේ රුපියල් 300 ක්‌ හෝ ඊටත් අඩු සහනාධාරයකි. පුද්ගලික බස්‌ සඳහා ඩීසල් සහනාධාරයක්‌ දෙන බව ආණ්‌ඩුව මුලදී කීවද බස්‌ ගාස්‌තුව 20% කින් වැඩි කිරීමට පුද්ගලික බස්‌ හිමියන්ට පසුව අවසර දුන්නේය. එහි තේරුම ඩීසල් සහනාධාරය බස්‌ හිමියන්ට ගෙවනු ලබන්නේ රජය විසින් නොව මහජනතාව විසින් බවය. මෙය ඉතා නපුරු විහිළුවකි. ඉන්ධන යනු ආර්ථිකයේ කේන්ද්‍රය වන අතර එයට පහර දීමෙන් සමස්‌ත ආර්ථිකයම බිඳ වැටෙනවා ඇත. සියලු පාරිභෝගික ද්‍රව්‍යවල මිල ඉතා ක්‍රමානුකූල ලෙස ඉහළ යමින් පවතී. අත්‍යවශ්‍ය ආහාර මිල ඉහළ යැමෙන් එදිනෙදා ආහාර වේල් ගණන හෝ ආහාර ගන්නා ප්‍රමාණය අඩු කිරීමට ජනයාට සිදු වේ. තමන්ටත් සහනාධාරයක්‌ නොදුන්නොත් පාන් මිල ඉහළ දමන බව බේකරි හිමියන්ගේ සංගමය පවසයි. ලයිට්‌ බිලේ ඉන්ධන ගැලපුම් ගාස්‌තුව 40% ක්‌ දක්‌වා ඉහළ දමා තිබීමෙන් පෙනී යන්නේ ජනතාව කළුවරේ සිටිනු දැකීමට ආණ්‌ඩුව කැමැති බවකි, ආණ්‌ඩුව එකවරම දරාගත නොහැකි භයානක බරක්‌ ජනතාව මතට පටවා ඇත. මේ අතර ජීවන වියදම ඉහළ යැමට එරෙහිව ඉකුත් සිකුරාදා (17 දා) එක්‌සත් ජාතික පක්‍ෂය විසින් පවත්වන ලද විරෝධතා ව්‍යාපාර ගැන ද යමක්‌ සඳහන් කළ යුතුය. මෙය පවත්වන ලද්දේ වැඩ ඇරී සවස්‌ කාලයේදී මිනිසුන් ගෙදර යන වේලාවටය. පෙළපාලිකරුවෝ පොලිසියට ගල් ගසමින් ප්‍රචණ්‌ඩ ලෙස හැසිරුණහ. පෙළපාලිකරුවන් අත සටන් පාඨ නොවීය. මෙය කිසියම් විකාර ගතියක්‌ තිබූ පෙළපාලියකි. පෙළපාලිකරුවකුගේ වැලමිටක්‌ නළලේ වැදීම නිසා හෝ (කැමති නම් මෙය බෝර 12 වෙඩි උණ්‌ඩයක්‌ වැදීමෙන් යයි සංශෝධනය කළ හැකිය.) වෙනයම් කාරණයක්‌ නිසා කිසිදු තුවාලයක්‌ නැතිව අහිංසක දොස්‌තර ජයලත් ජයවර්ධන මහීකාන්තාව සිප ගත්තේය. යන එන මං නැති වික්‍රමබාහු කරුණාරත්න ද මෙයට එකතු වී රනිල් වික්‍රමසිංහ මහතා සමග උරෙනුර ගැටෙමින් කතා පවත්වන්නට විය. රනිල්ගේ ඇඟේ ගෑවෙන්නට ලැබීම වික්‍රමබාහු ලද වාසනාවකි. මන්ද රනිල් සතු ජන පදනමෙන් දස දහසෙන් එකක්‌වත් වික්‍රමබාහුට නැත. කෙසේ වුවද එජාපය පෙළපාලි සංවිධානය කරන විට ජනතා විමුක්‌ති පෙරමුණේ පෙළපාලිවල වීඩියෝ පිටපත් ගෙන්වාගෙන බැලිය යුතුය. ජවය, සටන් පාඨ, ක්‍රමවත් භාවය යන සියල්ල ඔවුන් තුළ තිබේ. ඔවුන්ට පොලිසියෙන් ගහන විට ජනතාව තුළ සත්‍ය වශයෙන්ම ශෝකයක්‌ හට ගනී. එහෙත් එජාප යට පොලිසියෙන් ගහන විට බලා සිටින්නා තුළ පොඩි නිදිමත ගතියක්‌ ඇති වේ. අප මේ සියල්ල ලියුවේ සද්භාවයෙනි. කවුරුත් මෙයට වැරදි අර්ථකථන නොදිය යුතය. කෙසේ වුවද සංවිධානාත්මක හා තියුණු විපක්‍ෂයක්‌ රට තුළ තිබුණේ නම් ආණ්‌ඩුවට කුමකින් කුමක්‌ සිදු වන්නේද යන්න හිතා ගන්නට පවා නොහැක.

 http://www.divaina.com/2012/02/20/editor.html